Aqsaqallar şurası başlığı Yıldırım Qırğızstanda

İlbaşı idaräseneñ matbuğat üzägennän yasalğan belderügä kürä, Däwlät başlığı Sadır Caparov Yıldırımnı qabul itte.

Qırğız häm törek xezmättäşlegendäge säwdä häm iq’tisad, transport häm logistika, mädäniyät häm humanitar mäs’älälär quzğatılğan söyläşü waqıtında Caparov strategik urtaqlığı bulğan Qırğızstannıñ häm Törkiyäneñ mänfäğätlärenä turı kiterep küpqırlı xezmättäşlekne üsterü öçen härtörle tırışlıq kürsätüeneñ zarurlığına basım yasadı.

Törki däwlätlär oyışmasınıñ êşçänlegen “uñay” dip bäyäläwçe Caparov ayıruça Yıldırımnı Qırğızstannıñ Törki kapital salu fondı ğomum üzägen Bişkäktä urnaştıru kereşüen yaqlarğa çaqırdı.

Törki däwlätlär oyışmasınıñ Aqsaqallar şurasınıñ töp êşçänlege turında mäğ’lümat birüçe Yıldırım Aqsaqallar şurası cıyılışınıñ bıyıl iyül’ ayında Qırğızstanda ütkärelüeneñ planlaştırıluın äytte.

Yıldırım Aqsaqallar şurası bularaq Qırğızstannıñ Törki kapital salu fondı ğomum üzägen Bişkäktä urnaştıru omtılışın tormışqa aşıruda yärdäm itäçägen belderde.

Yıldırım häm yanındağı wäkillek annan soñ Qırğızstanda İq’tisad häm säwdä ministrı Daniyar Amangäldiyev belän Transport häm êlemtä ministrı Ärkinbäk Osoyev belän ayırım ayırım küreşte.