Azärbaycan 48 meñnän kübräk minanı yuq itte
Azärbaycan yawdan azat itelgän töbäklärdä Ärmänstan ğaskäre quyğan 48 meñnän kübräk minanı häm şartlamağan qorallarnı täêsirsez xälgä kiterde
Azärbaycannıñ Ärmänstan okkupaśiyasınnan azat itkän Qarabaxta häm tirä-yağındağı vilayätlärdä êlegräk ärmän köçläre quyğan minalardan çistartu êşçänlege alıp barıla.
Minadan arındıru êşçänlegen Azärbaycan minadan çistartu agentlığı (ANAMA) belän Azärbaycan qorallı köçlärenä bäyle injener berlekläre başqara. Ğadättän tış xällär ministrlığı, Çik buyı xezmätläre belän Törek qorallı köçläreneñ maxsus mina êzläw çistartu törkemnäre dä bu êşçänlekkä üz öleşen kertä.
2nçe Qarabax suğışı betkän 2020nçe yılnıñ 10nçı noyabr’ könennän 2021nçe yılnıñ 15nçe üktäbr’ könenä qadär 18 meñ 302 gektar mäydan minadan çistartu belgeçläre tarafınnan tikşerelde. Tikşerelgän mäydannarda 22 meñ 230 şartlamağan qoral, 17 meñ 426 anti personal mina, 8 meñ 755 anti tank minası bilgelände häm täêsirsez xälgä kiterelde.
ANAMA İdarä şurası başlığı Vügar Söläymanov yawdan azat itelgän töbäktä minadan çistartu êşçänlegeneñ tuqtawsız däwam itüen belderde.
Ärmänstannıñ okkupaśiya waqıtında quyğan minalar arqasında 7 ğaskäri häm tınıç xalıqtan 26 keşe belän bergä 33 Azärbaycan watandaşı şähit buldı, 139 watandaşı da yaralandı.
