Qazaqstan yärdäm cibärde

Qazaqstan urman yanğınnarı belän köräşergä Törkiyägä 2 boralaq häm 16 keşelek maxsus yanğın sünderü törkeme cibärde. İlneñ ğadättän tış xällär ministrlığınnan belderülärençä, bu êş däwlät başlığı Kasıym Cömärt Tokayev kürsätmäse nigezendä başqarıla. Boralaqlar häm törkem Törkiyäneñ yanğınnar äle däwam itüçe Muğla töbägenä yünälde.

Belderüdä äytelgänçä, Qazaqstan yanğınnardan zarar kürgän urmannarnı êlekkege xälenä qaytaru öçen dä yärdäm itärgä äzer.