Ärdoğan: “Cirlärebezne mañqortlardan qotqara alğança kiläçägebezgä ışanıç belän qarıy alaçaqbız”

Törkiyä İlbaşı Ärdoğan häm Qırğızstan Cömhüriyäte Däwlät başlığı Sadır Caparov Bäştäpä Millät kongress häm mädäniyät üzägendä uzdırılğan Çıñğız Aytmatov xalıqara 4nçe Isık kül forumınıñ yabılu programmasında qatnaştı.

Ärdoğan biredä yasağan çığışında tamırları bik borınğı däwerlärgä barıp totaşqan qırğızlarnıñ dönya ädäbiyatına qazandırğan tiñe bulmağan ike asıltaşnıñ buluın belderep:

"Bolardan berençese, üz ölkäsendä dönyanıñ iñ ozın tekstı bulu üzençälegenä iyä Manas dastanı häm dastannıñ qaharmanı Manas. İkençe Asıltaş isä Çiñğız Aytmatov. Märxüm Aytmatov äsärläre belän dönya ädäbiyateneñ iñ möhim qaläm iyäläre arasındağı urının alıp, başqarğan başqa xezmätlär belän dä qırğızlarnıñ bügenge köndäge milli qaharmanına äylände. Aytmatovnı böten dönyanıñ häm, älbättä, bezneñ urtaq qimmätebez bularaq küräbez”, - dip äytte.

Ärdoğan küpqırlı fiker, ädäbiyat häm diplomatiya keşese bulğan Aytmatovnıñ häm dönya ädäbiyatenä, häm dä säyäsi tarixqa qazandırğan iñ iğ’tibar cälep itüçe añ-fikerneñ “mañqortlıq” buluın belderep:

"Keşeneñ üzenä, ğailäsenä, cämğiyätenä, millätenä, tarixına, mädäniyätenä, qısqası, monnan alda iyä bulğan bar närsägä dä çit-yat bulu, xätta doşmanlaşu bulğan “mañqortlıq” nigezdä qollıq mäğ’näsenä turı kilä. Onıtılmas äsäre “Ğasırdan ozın kön” romanında qullanğan “mañqort” añ-fikeren, monı añlatıp birgäne öçen bez dä här forsatta üzen räxmät, Allahınıñ yarlıqawı belän iskä alıp qullanabız. Cirlärebezne mañqortlardan qotqara alğança bergäläşep kiläçägebezgä ışanıç belän qarıy alaçağıbızğa, maqsatlarıbızğa tiz ireşä alaçağıbızğa ışanam”, - dip belderde.