“Ӓrmӓnstan 10 nçı noyabr’ beldergesen tormışqa aşırır dip ışanam”
Bu xaqta Azӓrbaycan ilbaşı İlham Aliyev belderde
Azӓrbaycan ilbaşı İlham Aliyev Tawlı Qarabaxta utnı tuqtatunı tӓêmin itkӓn 10 nçı noyabr’ kileşüe belӓn bӓyle tübӓndӓgelӓrne citkerde: “Suğış nӓticӓlӓre üzgӓreşsez qalaçaq, deklaraśiyӓneň küpçelege ütӓlde. Ӓrmӓnstandağı wӓzğıyӓt’kӓ qaramastan barış dӓwam itӓçӓk. Yuğisӓ tağın da naçar xӓlgӓ töşӓçӓk. Alarğa yaňa çınbarlıqlar belӓn oçraşırğa turı kilӓ”.
İlham Aliyev Ӓrmӓnstandağı tüntӓreleş omtılışına da bӓyӓ birep bolay dide: “Protestlar Ӓrmӓnstan dӓwlӓten bik nıq tetrӓtte. İldӓ krizis dӓwam itӓ. Prinśipial’ bularaq ber ilneň dӓ êçke êşlӓrenӓ qatışmıybız”.
Azӓrbaycan ilbaşı bu xӓl öçen xӓzerge xakimiyӓtneň cawaplı buluın belderep,” Ӓrmӓnstan xӓzer bik awır xӓldӓ. Monıň sӓbӓbe – xӓzerge hӓm êlekkege citӓkçeleklӓr. Ӓrmӓnstannıň mondıy xӓlgӓ kilüeneň sӓbӓbe – basıp alu sӓyӓsӓte alıp baruı”dide.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı