Vakśina taratuda ğadelsezlek

Azärbaycan ilbaşı İlham Aliyev vakśina mäs’äläsendä qayber illär arasında bulğan krizislarnıñ borçuğa saluın belderde. Ul bu xaqta ilneñ däwlät kanalına interv’yusında söyläde. “Äyterseñ bez räsmi bulmağan neo-kolonializm çorına yäisä iğ’lan itelmägän koloniyäläşterügä şahit bulabız,”-dip söyläde Azärbaycan ilbaşı.

Aliyev, Quşılmawçılar xäräkäte çor räise bularaq, älege mäs’äläne xalıqara arenada kön üzägenä quyuın citkerde. Ul ürnäkkä Kanadanı kiterde häm älege ildä 38 million keşe yäşäwgä qaramastan, 154 million vakśinağa zakaz birülären assızıqladı.

“Alğa kitkän däwlätlärdä dön’ya xalqınıñ 14%ı yäşi. Ämma bu däwlätlär dön’yadağı vakśinalarnıñ 53%ına zakaz birde. Yäğ’ni tağın ber ğadelsezlek, tigezsezlek bar,”-dip söyläde Aliyev.