Azärbaycan armiyäse Kälbäcärgä kerde
Ärmänstan köçlärenä annan çığu öçen 25nçe noyabr'gä qadär waqıt birelgän ide
1533846
Azärbaycan armiyäse 27 yıl yawlaw astında bulğan Kälbäcärgä kerde. 10nçı noyabr’däge solıx kileşüennän soñ Tawlı Qarabaxta bäreleşlär tuqtadı, Ärmänstan ciñelüen qabul itte.
Kileşü buyınça Yerevan idaräse Tawlı Qarabaxtağı 7 töbäktän çığaçaq.
Ärmänstannıñ Kälbäcärne 15nçe noyabr’dä tapşıruı soraldı, ämma cirlekneñ geografik şartları häm çikle yul mömkinlekläre säbäple bu waqıt 25nçe noyabr’gä qadär ozaytıldı.
Sośial’ media häm Rusiyä xäbär säxifälärendä çıqqan videolarda Kälbäcärneñ törle rayonnarda yäşäwçe ärmännärneñ kitär aldınnan yort, mäktäp, däwlät binaları häm ağaçşlarğa ut törtüläre, qayber qorılmalarnı cimerüläre kürenä.
Ärmänstanğa östämä räweştä birelgän waqıt kiçä tuldı.
