Şuşa şähäre qotqarıldı
Azärbaycan armiyäse 28 yıl ärmän okkupaśiyäsendä qalğan şähärne qotqardı
Tawlı Qarabaxtağı ähämiyätle şähärlärneñ berse – Şuşanı azärbaycannar ärmän yawınnan qotqardı. Azärbaycan ilbaşı İlham Aliyev 28 yıl okkupaśiyä astında bulğan qalanıñ kire alınuı söyeneçen xalıqqa möräcäğatendä citkerde.
“Şuşanıñ Azärbaycan tarixında ayırım urını bar. Şuşa – barı Azärbaycannıñ ğına tügel, böten Kavkaznıñ êncese. 28 yıldan soñ Şuşada azan tawışı yañğırayaçaq. Ciñü yulıbız däwam itä. Ärmänstan idaräse taläplärebezgä cawap birmäsä, axırğa qadär kitäçäkbez. Xocalı qorbannarınıñ qanı cirdä qalmadı, şähitlärebez öçen üç aldıq. Üçebezne suğış mäydanında aldıq,”-dide Aliyev.
Şuşanı Ärmänstan 1992nçe yılnıñ 8nçe mayında basıp aldı.
Älege qalağa 1752nçe yılda Qarabax xanı Pänaxali nigez sala. Ul bik küp tarixi häykällärgä iyä. Şaqtıy ğına danlıqlı ğalim häm sänğat’ ähele biredä tuğan. Şuña da Şuşa – böten Azärbaycan öçen ähämiyätle qala.
Şähär ilneñ tarixi häm mädäni simvolı buludan tış, geografik urını häm Tawlı Qarabaxnıñ iñ zur şähäre Xankendigä kitüçe yul östendä toruı belän dä strategik ähämiyätkä iyä.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı
