"Yerevan idaräse üz xalqın üterep, ğayepne Azärbaycan östenä atarğa sälätle"

Azärbaycan ilbaşı urınbasarı Xikmät Xaciyev Ärmänstannıñ uydırma videolar belän Azärbaycanğa qarşı qara propaganda alıp baruın belderde. Ul ärmän idaräseneñ üz xalqına qarata suğış cinayäte başqarıp, ğayepne Azärbaycan östenä atudan da tayçınmayaçağın farazlıy.

Xaciyev Ärmänstannıñ Tawlı Qarabaxta Süriyä häm Ğıyraqtan kiterelgän separatist terrorçı oyışma PKK äğ’zaların urnaştıruı häm älege terrorçılarğa Azärbaycan xärbi forması kiderelüe turındağı xärärlär xaqında fikeren belderde.

Ärmänstan saqlanu ministrlığı internetta bik ğacäyep ber foto çığardı häm artınnan uq böten räsmi adreslardan tiz genä sörtep attı.

“Fotoda Ärmänstan saqlanu ministrı yanında utıruçı yalan ayaqlı xärbineñ östendäge uniformasınıñ Azärbaycan çik buyı xezmäte ğaskäriyeneñ forması belän ber ük buluı citdi şöbhälänülär uyattı. Fotolar berniçä minuttan Ärmänstannıñ räsmi säxifälärennän sörtelde,”-dip söyli Xaciyev.

Ul Ärmänstannıñ monnan alda da oxşaş uylap çığarular beläñ şöğıl’länüenä iğ’tibarnı cälep itte.

“Ärmänstannıñ küptän tügel Azärbaycan xärbi formaları kiyertelgän yallı ğaskärlär turında üzeşçän video xäzerläwen, Azärbaycan yağında aqça öçen yallanuçılar suğışqan şikelle kürsätergä mataşuın xäterlätergä telibez. Qayber abruylı matbuğat çaralarınıñ, döreslegen tikşermiçä, bu yalğış mäğ’lümatnı birüe qızğanıç,”-dide Xaciyev.

Älege videolarda ärmän xärbiläreneñ buluı alarnıñ Ärmänstan saqlanu ministrlığı citäkçelegendä manipulyaśiyä maqsatınnan xäzerlänüenä dälil.

“Xadrut töbägendä 2 ärmän suğış äsireneñ üterelüen kürsätüçe video da Ärmänstan saqlanu ministrlığı häm aña bäyle oyışmalarnıñ bay icadi säläteneñ näticäse.  Monıñ citdi tikşerü uzmadan BBCnıñ internet säxifäsenä quyıluı bik qızğanıç,”-di Azärbaycan ilbaşı urınbasarı Xikmät Xaciyev.

Ul Ärmänstan idaräseneñ bernindi êtika häm äxlaq çikläwlärenä iyä bulmawın äytä. “Ärmänstan, armiyäsen häm PKKlı terrorçılarnı qullanıp üz tınıç xalqına qarata cinayät’ êşlärgä häm qara propaganda yulı belän Azärbaycannı ğayeplärgä mömkin. Azärbaycan qorallı köçläre uniformasın kigän terrorçılar suğışta üterelgännän soñ Azärbaycan yağında suğışqan yallı ğaskärlär şikelle kürsätelergä mömkin. Basıp alınğan cirleklärdä yäşäwçe ärmän xalqın Ärmänstan armiyäseneñ häm xunta rejimınıñ bu tördäge provokaśiyälärenä qarşı uyaw bulırğa häm xärbi ob’yektlardan yıraq torırğa çaqırabız,”-dide Xaciyev.

Ul Azärbaycannıñ Ärmänstannıñ tınıç xalqı belän bernindi probleması bulmawın assızıqladı. Xaciyev Azärbaycan kontrol’ itüçe cirlärgä küçärgä teläwçe graldanlılarğa häm Ärmänstan ğaskärlärenä kiräkle barlıq gumanitar yärdämne kürsätergä äzer buluların citkerde.