Ärmänstan köçläre qayber möhim qalqulıqlardän häm poziśiyälärdän çigende

Azärbaycan saqlanu ministrlığınnan yasalğan belderüdä töne buyı Ağdärä, Ağdam, Fuzuli, Cäbrail, Zängilan häm Gubadlı yünäleşlärendä operaśiyälärneñ däwam itüe äytelde.

Azärbaycan ğaskäreneñ saqlanu sızığına tup yädräläre häm minomyot belän ut açqan Ärmänstan köçläre Gubadlı yünäleşendä qayber qalqulıqlardan häm nığıtmalardan, yuğaltular birep, kire çigende.

Belderüdä Hocavänd yünäleşendä urnaşqan Ärmänstan armiyasınıñ 155nçe artilleriya polkına bäyle D-20 batareyasınıñ personalı arasında küp sanda yaralanuçınıñ buluı, maşinanıñ citmäwe häm yullarnıñ yabıq buluı arqasında yaralanuçılarnıñ êvakuaśiyälänä alınmawı assızıqlandı.

Hadrutnıñ tön’yağındağı artilleriya berleklärenä yaña kilgän üzixtıyarıylılarnıñ atış nığıtmaların taşlap qaçıp kitüe, Ağdärä yünäleşendäge 5nçe polkına Azärbaycan ğaskäreneñ tup atışları näticäsendä küp sanda Ärmänstan ğaskäriyeneñ täêsirsez xälgä kiterelüe belderelde.

Böten front buyınça bäreleşlärneñ däwam itüe, wazğiyätneñ Azärbaycan ğaskäreneñ kontrolendä buluı citkerelde.