Kapalı Maraşnıñ ber öleşe açıldı

Tön’yaq Kipr Törek Cömhüriyätendä Kapalı Maraş töbägeneñ ber öleşe açıldı.

2019 yılda başlanğan inventar’ êşçänleklärennän soñ Kapalı Maraş bügen açıldı. Tön’yaq Kipr Törek Cömhüriyäte xalqı yartı ğasırdan soñ diyärlek Kapalı Maraşka kerä ala.

46 yıl buyı yabıq bulğan şähärdä berençe êtapta ike prospekt häm yar buyı yulınıñ açıluı öçen çistartu êşçänlekläre alıp barıldı.

Gazimağusadağı Maraş töbäge 1974 yılda Berläşkän Millätlär Oyışması qararı belän Tön’yaq Kipr Törek Cömhüriyäte häm Grek töbäge arasında buffer töbäk bularaq iğlan itelde häm yabıldı.

Turizm cännäte bularaq belenüçe töbäk öräk şähärgä äylänep quydı.

Bügengä qadär Kapalı Maraşka barı tik maxsus röxsät belän genä kerergä yarıy ide.

Törkiyä ilbaşı Räcäp Tayyip Ärdoğan aldağı könne açıqlaw yasap, Kipr Törek xalqınıñ yar buyı yulınnan faydalanu öçen yabıq töbäkkä kerä alaçağına şatlanuın beldergän ide.

“Maraşnıñ bötenläy açıluın telibez. Bu mäs’älädä Tön’yaq Kipr Törek Cömhüriyätenä härtörle yärdämne kürsätergä äzer bez,” – dide ul.