Azärbaycanda tınıç xalıqtan ülüçelär sanı 31gä citte
Ärmänstannıñ Azärbaycan toraq punktlarına artilleriya häm raketa belän yasağan höcümnärendä tınıç xalıqtan häläq’ buluçılarnıñ sanı 31gä, yaralanuçılarnıñ sanı 154kä citte
Azärbaycan baş prokuraturası 27nçe sentyabr’dän 8nçe üktäbr’ 13:00kä qadär Ärmänstannıñ höcümnäre arqasında barlıqqa kilgän ülemne häm matdi zıyannı açıqladı.
Açıqlawğa kürä, belderelgän çorda 31 azärbaycan grajdan keşeseneñ ğomere özelgän, 154 grajdan zat yaralanğan.
Ärmänstannıñ höcümnäre näticäsendä 928 öy, 45 pod’yezd, 133 däwlät binası qullanılmaslıq xälgä kilgän.
Azärbaycan İlbaşı idaräse kiñäşçese Xikmät Xacıyev ta Azärbaycan grajdan toraq punktlarına ut açqan Ärmänstan armiyasınıñ “Grad” raketa sistemasının yuq itelüen citkerde.
Xacıyev “Grad” sistemasınıñ yuqqa çığarıluı belän küp sanda grajdan keşeneñ ğomereneñ qotqarıluın belderde.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı
