Tönyaq Kipr Törek Cömhüriyätennän Azärbaycanğa teläktäşlek
Tönyaq Kipr Törek Cömhüriyäte İlbaşı Mostafa Aqıncı, Azärbaycan cirlärenä höcümnärne gäyepläp, dus häm qardäş Azärbaycan xalqına Kipr törek xalqı isemennän teläktäşlek toyğıların citkerde
Mostafa Aqıncı yasağan yazma belderüendä Ärmänstan belän Azärbaycan arasında distä yıllar däwamında çişeleşsez qalğan Qarabax mäs’äläseneñ qabat qaynar bäreleşkä äylänüen assızıqladı.
Aqıncı: "Xalıqara xoquq cähätennän Azärbaycan cirläre bulğan Yuğarı Qarabaxta bäysezlek küreneşe astında xökem sörgän ärmän citäkçelege Azärbaycan tarafınnan xaqlı bularaq qabul itelmi”, - dip äytte.
Xalıqara cämäğätçelek däräcäsendä dä xäl itelä alınmağan şuşı problemanıñ can yuğaltularına häm qayğı-xäsrätkä säbäp buluına häm bulırğa däwam itüenä basım yasawçı Aqıncı: "Azärbaycan cirlärenä qarşı höcümnärne gäyepläp, dus häm qardäş Azärbaycan xalqına Kipr törek xalqı isemennän teläktäşlek toyğılarıbıznı citkeräm”, - dip belderde.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
