Azärbaycanda istälekle kön
Bügen anda cömhüriyätneñ 102 yıllığın bilgeläp ütälär
Azärbaycanda 1918nçe yılnıñ 28nçe mayında iğ’lan itelgän cömhüriyätneñ 102 yıllığın bilgeläp ütälär. Älege data uñayınnan Törkiyä ilbaşı Räcäp Tayyip Ärdoğan Azärbaycan däwlät başlığı İlham Aliyevqa qotlawnamä cibärde.
Monnan tış, Ärdoğan Twitter akkauntı aşa azärbaycan telendä yazma urtaqlaştı. Anda ul İlham Aliyev häm böten Azärbaycan xalqın täbrik itte.
Azärbaycan cömhüriyäteneñ bäysezlege 1918nçe yılnıñ 28nçe mayında Gruziyäneñ Tbilisi şähärendä Mäxmät Amin Räsulzadä citäkçelegendä Azärbaycan milli şurası tarafınnan iğ’lan itelä. Ämma 1920nçe yılnıñ 28nçe aprelendä Sovet ğaskärläre ilne basıp ala häm cömhüriyät cimerelä.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı