Üzbäkstanda böyä işelde

Üzbäkstanda köçle yawım-töşem arqasında Sırderya viyayätendä böya diwarı öleşçä cimerelde, yözlärçä öy su astında qaldı.

Ğadättän tış xällär ministrlığı süzçese Murat Sadıkov köçle yawım-töşem arqasında Sardoba böyäse diwarınıñ öleşçä işelüe belän yuğarı miqdarda sunıñ böyädän ağuın belderde.

Sadıkov töbäktäge igen-basular häm qayber toraq punktlarınıñ su astında qaluın, yözlärçä öyneñ zıyan kürüen, 56 keşeneñ yaralanuın, taşqın barlıqqa kilgän böyä yanında yäşäwçe 70 meñ keşeneñ êvakuaŝiyalänüen citkerde.

Qotqaru törkemnäreneñ êşçänleklärne däwam itterüen äytkän süzçe böyä suın qalğan yılğalarğa cibärü näticäsendä su ağımınıñ tuqtatıluın açıqladı.

İlbaşı idaräseneñ matbuğat ofisınnan yasalğan açıqlawğa kürä däwlät başlığı Şäwkät Mirziyoyev fäläkät töbägenä yul tottı.

2017dä tözeleşe tämamlanğan Sardoba böyäsendä 922 million m3 su bar. Bu su Sırderya häm Cizzah vilayät’lärendäge igen-basularnı suğaru öçen qullanıla.