Tatarstan İlbaşı Törkiyäneň qayğısın urtaqlaştı

“Tatar-inform” agentlığı xäbär itüençä, Törkiyädä barlıqqa kilgän zilzilä arqasında Tatarstan citäkçese Törkiyä İlbaşı Räcäp Tayyip Ärdoğanğa qayğı urtaqlaşu süzläre belän telegramma yulladı.

“Tatarstanlılar Törkiyä Cömhüriyäteneň Älazıy häm Malatiya vilayätlärendä cirteträw näticäsendä keşelärneň üleme turındağı xäbärne ärnep häm çın küňeldän qayğırıp qabul itte”, diyelä qayğınamädä.

İlbaşı Röstäm Miňnexanov tatarstanlılar isemennän tabiği (tabiğıy) fäläqat’ waqıtında häläq’ bulğan keşelärneň tuğannarınıň häm yaqınnarınıň qayğısın urtaqlaştı häm zıyan kürüçelärgä tizräk sawığuın teläde.