Qazaxstanda matäm köne iğ'lan itelde

Qazaxstanda kütärelep kitkän waqıtta yulçı oçqıçınıñ kilep töşüe 15 keşeneñ ülemenä kiterde. Monnan tış, 66 keşe yaralandı.

İlneñ ğadättän tış xällär komitetınnan belderülärençä, oçqıç Almatadan Nur-Soltanğa baru öçen yulğa çıqqan. Anıñ êçendä 93 keşe bula, alarnıñ 8e bala, 5se êkipaj äğ’zası.

Oçqıç Bek Air aviaşirkäteneke.  Qazaxstan sänäğat’ häm infrastruktura üsterü ministrlığı qaza säbäbe açıqlanğanğa qadär älege kompaniyäneñ êşçänlegen tuqtatıp tora.  Monnan tış, hälakätkä oçrağan Fokker 100 törendäge oçqıçlarnıñ ildä säfärläre waqıtlıça tuqtatıluı xäbär itelä.  

Qazaxstan ilbaşı Kassıym-Cömärt Tokayev 28nçe dekabr’ne milli matäm köne bularaq iğ’lan itte.