Qırımda 8 tatar qulğa alınğan
Qırımnıñ törle töbäklärendä Rusiyä iminlek köçläreneñ tatarlarnıñ öylärenä yasağan tentüe waqıtında 8 tatar qulğa alınğan
Cirle matbuğatta çıqqan xäbärlärgä kürä, Rusiyä iminlek köçläre Qırımda Aluşta, Belogorsk häm Aqmäçet şähärlärendä tatarlarnıñ öylärenä operaśiya oyıştırğan.
Ütkärelgän tentü häm êzläw näticäsendä 8 qırım tatarı qulğa alınğan.
Rusiyä Federal’ iminlek xezmäte (FSB) yasağan belderüendä 8 tatarnıñ qulğa alınuı xäbäreneñ döres buluın belderde.
Belderüdä Aluşta, Belogorsk häm Aqmäçettäge operaśiyälär näticäsendä 8 keşeneñ “terror oyışması äğ’zase” buluı raslawı belän qulğa alınuı citkerelde.
Ukrainada êşçänlek alıp baruçı Qırım üzidaräle cömhüriyäte prokuraturası isä oyıştırılğan tentülär belän bäyle bularaq cinayät’ êşen quzğatqan.
Prokuraturanıñ soşial’ media aşa yasalğan belderüendä Rusiyä iminlek köçläre wäkilläreneñ qırım tatarlarınıñ öyendä bertörkem tentü ütkärüe telgä alınıp, toraq qağılmaslılığın (immunitetın) bozu mäs’äläsendä cinayät’ êşeneñ quzğatıluı äytelde.
