Qazaxstanda yaña xökümät räise
Uzğan atnada buşağan känäfigä Askar Mamin utırdı
1151877
Qazaxstan ilbaşı Nursoltan Nazarbayev yaña xökümät räisen atadı. Ul - Askar Mamin. İlbaşı idaräsennän yasalğan belderügä qarağanda, Nazarbayev parlamentta kandidatnı deputatlarnıñ raslawına täq’dim itte. Uñay cawap alınğannan soñ 53 yäş’lek Maminnı xökümät räise bularaq ataw turındağı qararnı imzaladı.
Uzğan atnada Qazaxstan ilbaşı Nursoltan Nazarbayev iq’tisadta uñay üzgäreşlär bulmawı arqasında xökümätneñ kitüen soradı. Şunnan soñ Bakıtcan Sagintayev citäkçelegendäge xökümät wazıyfadan kitte. Viśe-prem’yer Mamin waqıtlıça xökümät räise bularaq ataldı.