Nazarbayev xökümäte wazifa taşladı

Qazaqstanda xökümӓt dӓwlӓt başlığı Nursoltan Nazarbayevnıñ telӓge belӓn wazifasın taşladı.

İqtisadnıñ şaqtıy ölkӓsendӓ uñay üzgӓreşlӓrneñ küzӓtelmӓwe arqasında ilbaşı Nazarbayevnıñ xökümӓtneñ wazifadan kitüen telӓwennӓn soñ Bakıtcan Sagintayev rӓislegendӓge xökümӓt wazifasın taşladı.

Nazarbayev mӓs’ӓlӓ belӓn bӓyle açıqlaw yasap, ile öçen möhim qarar qabul itüen, sośial’ hӓm iqtisadi wazğiyӓtneñ aldağı yıllarda totrıqlılıq kürsӓtüen, lӓkin monıñ xӓzerge waqıtta citӓrsez buluın belderde.

Nazarbayev yaña xökümӓtneñ xalıq tormışın yaxşırtu, iqtisadnı tӓşwik itü, strategik maqsatlarğa ireşügӓ qarağan aktiv adımnar yasawı zarurlığın açıqladı.

İlbaşı idarӓse sӓxifӓsendӓ urın alğan “Dӓwlӓt başlığı qararı”nda xökümӓtneñ wazifa taşlawınıñ qabul itelüe, prem’yer-ministr urınbasarı Askar Maminnıñ waqıtlıça xökümӓt rӓise bularaq bilgelӓnüe hӓm yaña xökümӓt qorılğanğa qadӓr kabinet ӓğzalӓreneñ wazifaların waqıtlıça dӓwam itterӓçӓklӓre belderelde.