Turizm kürgäzmäsendä Törkiyä - iñ nıq qızıqsındırğan il

Azärbaycanda ütüce 17nçe xalıqara turizm häm säyäxät kürgäzmäsendäge Törkiyä stendı belän qızıqsınuçılar küp. Çara Baqı EXPO üzägendä oyıştırılğan. Törkiyä anda töbäk belän bäyle kitapçıqlar häm büläklär dä tarattı. Şulay uq, êbru, kalligrafiya, filigran’ şikelle sänğat’ törlären tanıtu, xalıq biyülären kürsätü buldı. Törkiyäneñ Baqı ilçelege mädäniyät häm tanıtu kiñäşçese İrfan Çiftçi jurnalistlarnıñ sorawlarına cawap birde. Ul Azärbaycannan Törkiyägä kilüçe turistlar sanının 50%qa artuın belderde. Şulay uq ike arada täcribä urtaqlaşunıñ da ähämiyäten assızıqladı. Çiftçi beldergänçä, Törkiyäneñ turizm tarmağında täcribäse zur, Azärbaycan isä bu alanğa yaña adım ata häm älege yünäleştä üsärgä omtıla. İke arada xökümät däräcäsendä öyränü häm täcribä alu êşçänlege bara. Kiñäşçe kürgäzmädä Törkiyägä qarata zur qızıqsınu buluın äytep uzdı. Anda 20 ildän 277 şirkät qatnaşa.