Üzbäkstan belän Tacikstan arasında vizasız säyäxät

Üzbäkstan tışqı êşlär ministrlığınnan yasalğan belderügä kürä, ike il Däwlät başlığı 9nçı martta qul quyğan "Üzbäkstan häm Tacikstan watandaşlarınıñ ike yaqlı säfärlären küzdä totuçı xökümätlärara kileşü” ğamälgä kerde.

Kileşü ike il watandaşlarınıñ ike yaqlı bularaq 30 kön buyı ber-berlärenä vizasız barıp qaytuın küzdä tota.

Üzbäkstan häm Tacikstan watandaşları 17 yıl aradan soñ ike yaqlı bularaq vizasız säyäxät itä alaçaq.

Telgä alınğan şuşı kileşü Üzbäkstan İlbaşı Şävkät Mirziyoyevneñ 9nçı-10nçı martta Tacikstan räsmi säfäre waqıtında imzalanğan ide.

Üzbäkstan belän Tacikstan arasında ozaq yıllar buyı däwam itkän kiyerenkelek Mirziyoyev Däwlät başlığı bulıp saylanğannan soñ azayğan häm mönäsäbätlärdä cayğa salu barışı başlağan ide.

İke il arasında su häm ênergiya çığanaqlarınıñ qullanıluı häm bäxäsle çik buyı noqtaları arqasında kilep çıqqan kileşmäwçänleklär 20 yıl buyı däwam itkän bulsa, taraflar arasında 2001nçe yılda ike yaqlı viza ğamäle başlatılğan häm ber meñ 300 çaqrımlıq urtaq çik buyındağı qayber tamğaxanä (tamojnya) qapqaları yabılğan ide.