Qäbälä  - 2020 nçe yılnıñ turizm başqalası

Azärbaycannıñ Qäbälä qalası 2020 nçe yılnıñ turizm başqalası itep saylanğan.

Azärbaycan mädäniyat häm turizm ministrlığı beldergänçä, Bangladeş başqalasında uzğan İslam xezmättäşlek oyışması illäre turizm ministrlarınıñ 10 nçı konferenśiyäsendä Qäbäla qalası 2020 nçe yılnıñ turizm başqalası itep bilgelängän.

İslam xezmättäşlek oyışması illäre turizm ministrlarınıñ 11 nçe  konferenśiyäsen 2020 nçe yılda Qäbälädä ütkärü qararına kilengän.

Şulay uq Azärbaycannıñ İslam xezmättäşlek oyışmasınıñ turizm koordinaśiya komitetına äğ’za itep saylanuı da citkerelgän.

Qäbälä -  tarixi häm tabiği maturlıqları belän Azärbaycannıñ tanılğan turistik şähärlärennän berse.