Qıtay häm Üzbäkstan arasında xärbi xezmättäşlek

Saqlanu ministrı Wanquan,  Üzbäkstan İlbaşı Şavkat Mirziyoyev tarafınnan qabul itelgän.

İlbaşı idaräseneñ matbuğat ofisınnan yasalğan belderügä kürä, söyläşüdä Mirziyoyev törle ölkälärdä ike yaqlı mönäsäbätlärneñ häm üzara bäyläneşneñ kiñäytelüe häm tizlätelüeneñ Üzbäkstan häm Qıtay arasında strategik urtaqlıqnıñ üseşenä zur külämdä öleş kertüen qanäğätlelek belän citkergän.

Söyläşü waqıtında xärbi häm saqlanu ölkäsendäge ike yaqlı xezmättäşlekneñ torışına bäyä birelgän, regional’ iminlek häm totrıqlılıq belän bäyle könüzäk mäs’älälär quzğatılğan.

Üzbäkstan qorallı köçläreneñ köçen häm saqlanu potenśialın arttıruğa qağılışlı ildäge reformalarnı häm alğarışlarnı yuğarı bäyäläwçe Qıtay saqlanu ministrı ileneñ xärbi häm saqlanu ölkäsendä ike yaqlı mänfäğätlärgä nigezlängän xezmättäşlekne arttırırğa äzer buluın beldergän.