Qırğız ilbaşı ant itkän

Qırğızstanda Sooronbay Ceenbekov ant itep, wazifasına başlağan

Qırğız ilbaşı ant itkän

Qırğızstanda 15nçe üktӓbr’ könne ütkӓrelgӓn ilbaşı saylawında ciñgӓn Sośial’ Demokrat partiyase namzӓte Sooronbay Ceenbekov ant itep, wazifasına başlağan.

Çit il qunaqları çaqırılmağan hӓm barı tik ilbaşı idarӓse matbuğat üzgӓe küzӓtkӓn ant itü tantanasında Üzӓk saylaw komissyase başlığı Nurjan Şaildabekova ilbaşı berketmӓsen Ceenbekovqa tapşırğan.

Qırğız bayrağın üpkӓn Ceenbekov Atambayevtan Qırğız bayrağın aldı hӓm Töp qanunğa qulın quyıp, ant itkӓn.

Ceenbekov yasağan çığışında küp millӓtle xalıqnıñ berlek hӓm berdӓmlegenӓ basım yasap, ildӓ hӓm ayıruça byurokratiyada regional’ hӓm êtnik separatizmğa röxsӓt birmӓyӓçӓgen assızıqlağan.

Bӓysez Qırğızstannıñ demokratik yulda alğa baruın bar dönyağa isbatlawın beldergӓn Ceenbekov: “Bӓysezlek tarixıbızda berençe tapqır tınıç yul belӓn xaqimiyӓt’ citӓkçelek almaştıra,” – digӓn.

Xalqına, partiyalelӓrenӓ rӓxmӓten beldergӓn Ceenbekov tışqı sӓyӓsӓttӓ milli mӓnfӓğat’lӓrneñ saqlanaçağın citkerep, 6 yıllıq wazifasında xalıqnıñ mullığı, ilneñ qalqınuı öçen xezmӓt kürsӓtӓçӓgen açıqlağan.

İlbaşı wazifasın tapşırğan Atambayev ta Ceenbekovka uñışlar telӓgӓn.

Atambayev wazifasında küp nӓrsӓne tӓmamlıy almawın belderep, Qırğızstan xalqınnan üzen ğafu itüen sorağan.



Bäyläneşle xäbärlär