Baqı-Tbilisi-Kars timer yulı üzqimmätne azaytaçaq
Dön’ya külämendä zur iğtibar belän küzätelgän “Baqı-Tbilisi-Kars” timer yulı proyektı ike aydan soñ xezmätkä keräçäk
Törkiyä transport, diñgezçelek häm êlemtä ministrı Äxmät Arslan ilneñ Kars şähärendä yasağan belderüendä, Baqı-Tbilisi-Kars timer yulı proyektınıñ tämamlanu êtabına citelüenä basım yasap: "İke ay êçendä tözeleşlärne beterep, annan soñğı ike aylıq barışta da sınap qarawların ütkärep, iyün’ ayında monnan arı Baqı-Tbilisi-Kars proyektı belän dizel’ lokomotiv êşxanäçelegenä küçärgä telibez”, - dip äytte.
Bu proyektnıñ barı tik Törkiyä öçen genä tügel, Törkiyä aşa säwdä itärgä teläwçe böten dönya illäre öçen möhim proyekt buluın assızıqlawçı Arslan: "Qıtaydan, Qazaqstannan, Törekmänstannan, Azärbaycannan, Görcestan-Gruziyadan kilgän yök xäräkäte ilebez aşa Awrupağa bara alaçaq”, - dip belderde.
Qıtaydan Awrupa Berlege illärenä, dönya bazarlarına kitkän êşlänmäneñ diñgez yulı belän 45-60 kön arasında barıp citä aluın äytüçe ministr şulay uq Rusiyä, tön’yaq yul aşa kitkän êşlänmäneñ dä ber aydan kübräk waqıt êçendä adresına barıp citä aluına iğtibarnı yünältte.
Ministr Arslan Baqı-Tbilisi-Kars timer yulı proyektınıñ isä waqıtnı häm üzqimmät yuğaltuın azaytaçağın assızıqlap äytep uzdı.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä