Nazarbayev - Nobel’ Tınıçlıq bülägenä namzät

Qazaqstan ilbaşı Nursoltan Nazarbayev Nobel’ Tınıçlıq bülägenä namzät itep kürsätelgän.

Qazaqstannıň räsmi xäbär agentlığı “Kazinform” beldergänçä, Şveŝariyäneň Bazel qalasındağı Tınıçlıq fän-belem häm tikşerenü institutı mödire Alyn Ware soŝial’ media aşa yasağan belderüendä ilbaşı Nazarbayevnı häm atom proyektınıň şäräfle ilçese Karipbäk Kuyukovnı atom-töş qoralsızlandıru tırışlıqları uňayınnan Nobel’ Tınıçlıq bülägenä namzät itep kürsätüen beldergän.

Nobel’ komitetına tapşırılğan möräcäğät’ ğarizasında Nazarbayevnıň 22 yılda atom – töş qoralsızlandıru ölkäsendä şaqtıy êşçänleklär başqaruın beldergän Ware ,Qazaqstan ilbaşınıň atom-töş qoralsız tınıç dön’ya buldıru barışında möhim kereşülär başqarunı däwam itterüen citkergän.

Qazaqstan ilbaşı Nursoltan Nazarbayev êlekke yıllarda da Nobel’ Tınıçlıq bülägenä namzät itep kürsätelgän, ämma büläkkä iyä bula almağan ide.