Üzbäkstanda çit il küzätüçeläre

Üzbäkstanda 4nçe dekabr’dä ütkäreläçäk ilbaşı saylawın yaqınça 50 ildän 600dän kübräk küzätüçe qarayaçaq.

Üzäk saylaw komissiyäse başlığı Mirzo-Uluğbäk Abdusalomov, ilbaşı saylawına xalıqara cämäğätçelektän bik zur iğtibar buluın assızıqlap, Awrupa iminlek häm xezmättäşlek oyışmasınıñ ildäge saylawnı berençe märtäbä tulı qimmätle küzätüçe wäkillege belän qarap baraçağın beldergän.

İlbaşı saylawın cirle häm çit il yaqınça ber meñ 300 jurnalistnıñ da yaqtırtıp toraçağın äytüçe Abdusalomov xäzergä çaqlı 60tan kübräk çit il jurnalistınıñ akkreditaśiyä uzuın beldergän.

İlbaşı saylawında “Milli şahlanış demokrat” partiyäse liderı Sarvar Atamuradov, “Ğadälät sośial’ demokrat” partiyäse liderı Nariman Umarov, “Xalıq demokrat” partiyäse liderı Hotamjon Kätmonov belän “Liberal’ demokrat” partiyasınnan İlbaşı wäkile häm Premyer-ministr Şavkat Mirziyoev yarışaçaq.

Xalıq sanı yaqınça 32 million bulğan Üzbäkstanda 21 million yarım tiräsendä terkälgän saylawçı bar. İlbaşı saylawı öçen il külämendä 9 meñ 378 saylaw ärcäse äzerlände.

İlbaşı İslam Kärimov baş miyenenä qan sawınnan soñ däwalanğan xastaxanädä 2nçe sentyabr’dä wafat bulğan ide.