Törkiyä prem’er-ministrı Tatarstanğa säfär yasıy
Binali Yıldırım Qazanda İlbaşı Röstäm Miñnexanov belän küreşep söyläşäçäk
”TatarTürk” internet säxifäse beldergänçä, Törkiyä prem’er-ministrı Binali Yıldırım 6-7 dekabr’ könnärendä Rusiya Federaśiyäsenä yasayaçaq säfär qısasında Tatarstan başqalası Qazanğa da kiläçäk.
Yıldırımnıñ Rusiya Federaśiyäse Prem'er-ministrı Dmitriy Medvedevnıñ çaqıruı nigezendä yasalaçaq säfärendä ike yaqlı mönäsäbätlär söyläşeläçäk.
Binali Yıldırım Rusiya säfäre qısasında 7 nçe dekabr’dä Tatarstan başqalası Qazanda İlbaşı Röstäm Miñnexanov belän küreşep söyläşäçäk.
2011 nçe yılda ul waqıttağı Prem’er-ministr Räcäp Tayyip Ärdoğan häm 2009 nçı yılda İlbaşı Abdulla Gül dä Qazanğa säfär qılıp räsmi oçraşularda qatnaşqan ide.
Prem’er-ministr Binali Yıldırımnıñ bu säfäre Törkiyä –Tatarstan mönäsäbätläre öçen zur ähämiyätkä iyä.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
