"Böyek Yefäk yulı qabat qorıla"
Törekmänstan-Äfğanstan-Tacikstan timer yulı liniyaseneñ berençe êtabı açılğan
Törekmänstan-Äfğanstan-Tacikstan timer yulı liniyaseneñ 88 çaqrımlıq berençe êtabı İmamnazar çik buyı qapqasında tantanlı räweştä açılğan.
Törekmänstan däwlät başlığı Gurbanguli Berdimuhammedov liniyaneñ berençe êtabın xezmätkä açqannarı öçen şat buluların belderep: “Böyek Yefäk yulı qabat qorıla. Bu liniya Aziya, Awrupa häm kürşe illärneñ üsüenä öleş kertäçäk,” – dide.
Berdimuhamedov “Xalıqara Aziya timer yulı koridorı” itep taswirlandırılğan liniyaneñ Törekmänstan çiklärendäge Atatmurat-İmamnazar arasında qaluçı 85 çaqrımlı öleşe belän Äfğanstannıñ Akina çik buyı qapqasına qadär bulğan 3 çaqrımlıq öleşne üz êçenä aluçı 88 çaqrımlıq êtabı öçen barlıq texnik caylanmanıñ tözelüen citkergän.
Äfğanstan däwlät başlığı Äşräf Gani isä yaña timer yulı koridorınıñ töbäk illäre arasında säwdä, dialog häm duslıq urnaştıraçağın assızıqlağan.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı