Qırımoğlu qulğa alına
Qararnı Aqmäçetneñ Kiyevskiy töbäk mäxkämäse çığarğan
Ukrainada Aqmäçetneñ Kiyevskiy töbäk mäxkämäse Qırım tatar xalqınıñ milli liderı, Ukraina däwlät başlığının Qırım tatarlarınnan cawaplı wäkile häm Ukraina xalıq ışanıçlısı Mostafa Abdülcämil Qırımoğlu xaqında qulğa alu qararın çığarğan.
Qırımoğlunıñ advokatı şäxsi Facebook xisabınnan yasağan açıqlawında: “Aqmäçetneñ Kiyevskiy töbäk mäxkämäsendä Rusiyä Federal' İminlek xezmätkäreneñ Mostafa Abdülcämil Qırımoğlu xaqında qulğa alu qararınıñ çığarıluı taläbe qaralğan. Tikşerü xezmätkäre häm prokuror qulğa aluğa nigeznamä bularaq Qırımoğlu xaqında Rusiyä Cäza qanunınıñ 3 matdäsenä kürä däğwanıñ açıluın, üzeneñ soraw alu häm mäxkämädän qaçuın, şahitlarğa basım yasıy alacağın, dälillärne yuqqa çığara alacağın, başqa däwlät watandaşı buluın häm Qırımda däwamlı yäşämäwen äytte. Mäxkämä tikşerü xezmätkäreneñ taläben yaraqlı kürep, Qırımoğluğa qarşı çittän qulğa alu qararın qabul itte. Mostafa abdülcämil Qırımoğlu xaqında federal' däräcädä ezläw qararın çığarıldı,” – digän.
Rusiyä 2014nçe yılnıñ aprel ayında Mostafa Abdülcämil Qırımoğlunıñ ilgä kerüen 2019ğa qadär tıyğan ide.
Qırımoğlu 2014nçe yılnıñ 2nçe mayında Mäskäw aşa oçqıç belän Qırımğa barğanda hawa mäydanında totqarlanğan ide.
Qırımğa Kiyevdan maşina belän barırğa mäcbür qalğan Qırımoğlunı Ärmänipazar kontrol urınında meñnärçä Qırım tatarı qarşı aldı.
Läkin monda da Qırımğa kerüenä röxsät birelmägän Qırımoğlu Kiyevka qayttı.
Bäyläneşle xäbärlär
Törkiyä ministrı Üzbäkstanda
Ğailä häm sośial’ xezmätlär ministrı Üzbäkstan ğailä häm xatın-qızlar komitetı başlığı belän oçraştı
