"Süriyä törekmännäre Törkiyägä ışana"
Süriyä törekmännäre assambleyası başlığı Abdurrahman Mustafa: "Törkiyä härwaqıt törekmännärneñ yanında"
Abdurrahman Mustafa törekmännär öçen bik möhim häm zur mäğnävi, ruxıy qimmätkä iyä Söläyman Şax törbäseneñ üzläre öçen härwaqıt ruxıy moral’ çığanağı buluın beldergän.
Süriyädäge dinamikalarnıñ här uzğan kön üzgärüen assızıqlawçı Mustafa: "Süriyädäge törekmännärneñ wazğiyäte tora-bara tağın da strategik barışqa kerä. Törkiyäneñ hiçşiksez törekmännär belän bäyle strategik küzallawı häm töşençäse bar. Bezneñ berdänber tayanıçıbız da näq meñä şuşı. Mäydandağı törekmännär borçıluğa birelmäsen”, - dip äytkän.
Süriyädäge watandaşlar suğışınnan in küp zıyannıñ törekmännärgä kilüen, Haläpneñ törek qalası buluın häm şuşı räweşle qalaçağın belderüçe Mustafa: "Törkiyäneñ buınnar xäteren, yäğni Söläyman Şax törbäsen ber tön eçendä saqlaw astına alğanı kebek andağı törekmännärne, bezne dä ber ük räweşle saqlayaçağınnan şöbxäbez yuq”, - dip äytkän.
Süriyä törekmännärenä möräcäğät itüçe Mustafa: "Hiç tä yalğız tügelbez. Böten dönya qarşıbızda bulsa da xätta, şunı beläbez ki, Törkiyä daimi räweştä bezneñ belän, bezneñ yanıbızda”, - dip assızıqlap äytep uzğan.
