Salihi: "Törekmännär öçen buffer töbäge buldırılsın"

Salihi yasağan belderüendä Ğiraqtağı qırıslıq waqiğalarınıñ iñ küp törekmannärgä tä’sir itüen äytte.

Törkiyäneñ Süriyä çigendä sıyınuçılar öçen buffer töbägeneñ buldırıluı mäs’äläseneñ kön tärtibendä buluın xäterlätüçe Salihi: “Ayn äl Arapta (Kobanidä) imin töbäkneñ oyıştırıluı taläp itelgäne kebek bez dä Ğiraqtağı törekmännär öçen oxşaş räweştä taläp belderäbez. Üzäk Ğiraq xökümäte belän Ärbil citäkçelege añlaşıp, törekmännärne saqlaw öçen imin töbäkne buldıra alırlar”, - dip äytte.

Buffer töbägeneñ urını belän bäyle sorawğa Salihi:"Kärkük belän Tuzhurmatu arasındağı töbäk bulırğa mömkin. Suğıştan qaçqan, “Ğiraq-Dimäşq” terror oyışması yanawı astındağı törekmännär bu mäydanda buldırılğan imin töbäkkä alınırğa tiyeş”, - dip cawap birde.

Ğiraq ğäskäre belän päşmärgä körd qorallı törkemnäreneñ törekmännär yäşäwçe töbäklärne citärle däräcädä saqlıy almawın belderüçe Salihi şuña kürä dä imin töbäkne teläwlären äytte.