İstanbulda "Qazan räsemnäre" kürgäzmäse
Kürgäzmädä törki dönyanıñ 2014 nçe yılğı mädäniyat başqalası Qazannıñ mädäniyatı ,traditsiyäläre tanıtıla
Törki dönyanıñ 2014 nçe yılğı mädäniyat başqalası itep iğlan itelgän Tatarstan başqalası Qazannıñ mädäniyatı ,traditsiyäläre maxsus fotoräsem kürgäzmäse belän tanıtıla.
Törkiyäneñ İstanbul qalasında açılğan kürgäzmädä Qazannıñ böten maturlıqların kürergä mömkin.
Xalıqara törki mädäniyat oyışması tarafınnan oyıştırılğan kürgäzmädä fotosänğätçelärneñ 100 fotoräseme sänğät söyüçelärgä täqdim itelä.
Kürgäzmädä tatar xalqınıñ ğoref-ğadätläre, milli uyınnarı, kiyemnäre , Kreml häm Söyembikä manarası , başqalanıñ borınğı uramnarı häm zamança mäydannarınıñ räsemnäre urın ala.
Tatarstannan kilgän sänğätçelär kürgäzmä açılışında çığış yasap, tatar xalıq biyüläre belän tamaşaçılarnıñ küñelen yawlıy.
Tatarstan mädäniyat ministrı Ayrat Sibğatullin kürgäzmäneñ tatar sänğätçeläreneñ tügel, başqa törki cömhüriyätlärneñ fotosänğätçeläre töşergän fotoräsemnärdän torğan , Qazannı añlatuçı kürgäzmä buluın belderde.
Mädäniyat ministrı:” Bez anda yäşäsäk tä qayber maturlıqlarnı kürmägänbez. Başqalarnıñ monı bezgä kürsätä aluına söyenäm”,-dide.
“2014 nçe yılğı törki dönya mädäniyat başqalası Qazan” isemle kürgäzmä İstanbuldağı Dolmabahçe sänğät galereyasında 30 nçı sentyabrgä qadär eşläyäçäk.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
