Qazaqstan İran belän säwdäne arttıra

İke könlek räsmi säfär belän başqala Astanağa kitkän Ruhani Qazaqstan İlbaşı Nazarbayev belän küreşte.

Qazaqstan Däwlät başlığı Nazarbayev söyläşüdän soñ oyıştırılğan matbuğat oçraşuında Tönyaq-könyaq timer yulı liniyasınıñ İrannıñ Gürgän töbägenä barıp citäçäk öleşeneñ noyabr ayına qädär tämamlanaçağın äytte.

Qazaqstan häm İran bularaq Xäzär dingezendä terminallärneñ salınuı mäs’äläsen qarawların äytüçe Nazarbayev Tönyaq-könyaq timer yulı liniyasınıñ tulısınça tormışqa aşırıluı belän bergä Qazaqstannıñ İranğa ber yıllıq 500 meñ tonna bulğan boday eksportınıñ 2,5 million tonnağa çığaçağın assızıqladı.

İran İlbaşı Ruhani da ike il arasında elek yasalğan eşkärtelmägän neftkä almaşqa neft häm gaz eşlänmälären birüne yañadan başlatırğa planlaştıruların belderde.

Ruhani Tönyaq-könyaq timer yulı liniyası belän neft-gaz industriyäse, igençelek häm tözeleş ölkälärendä xezmättäşlekne küzdä totuçı protokollarnıñ tormışqa aşırıluı belän ike il säwdä külämendä bik zur artış bulaçağına basım yasadı.

İran Qazaqstanğa nefteximiya produktsiyäsen eksportlağan bulsa, Qazaqstan da İranğa boday häm metall eşlänmälären sata.