Sudan Xocalı genotsidın tanıdı

Azärbaycan Tışqı eşlär ministrlığı departament başlığı Xikmät Xaciyev matbuğat wäkillärenä yasağan belderüendä Sudan Cömhüriyät Parlamentınıñ Tışqı mönäsäbätlär komitetında 1992nçe yılda Qarabaxnıñ Xocalı şähärendä yäşängän waqiğalarğa qağılışlı qarar qabul itelüen äytte.

Xaciyev komitet qabul itkän qararda Xocalıda yäşängännärneñ “keşelek cinayäte” räweşendä bäyälänelüen häm "genotsid" bularaq tanıluın belderde.

1992nçe yılnıñ 25nçe fevral könne Xocalığa höcümnären başlatqan ärmännär töbäktäge Sovet armiyasına bäyle 366nçı çılbırlı texnika polkınıñ böten maşinaların qullanıp, şähärne ike säğät buyı tup häm tank utına tota. Höcümgä duçar bulğan qasaba xalqı cannarın qotqaru öçen tawlarğa häm urmanğa qaçırğa mäcbür bula. Qasabadan çittä dä qoralsız tınıç xalıqnıñ artınnan barğan ärmän köçläre tınıç xalıqnı qızğanmıy. Höcümnän ber kön uzğaç isä berqayçan da onıtılmayaçaq "Xocalı küpläp üterüe" bilgele bula.

Räsmi mäğlümatlärgä kürä, Xocalı küpläp üterüendä saqlawçısız bulğan 106sı xatın-qız, 83e bala buluı belän berga cämğise 613 Azärbaycan watandaşınıñ ğomere özelgän. Küpläp üterüdän 487 keşe awır yaralanğan kileş isän qalğan bulsa, ärmän köçläre ber meñ 275 keşene totıq itep ala. Bolardan 150sennän xäbär alına alınmadı.