Uyğır başqalasınnan Yefäk yulı säwdäse
Öremçedä IV Qıtay-Awraziya Expo xalıqara säwdä yärminkäse başladı.
Uyğır üzidaräle töbägeneñ başqalası Öremçedä açılğan häm 6 kön däwam itäçäk yärminkäne açu tantanasında Qıtay Premyer-ministr urınbasarı Wang Yang belän bergä çit il liderları da qatnaştı.
Premyer-ministr urınbasarı Yang äytkänçä, yärminkäneñ “tarixi Yefäk yulında urnaşqan illär arasında iqtisadi häm texnik xezmättäşlekne arttıru öçen küper” buluı maqsat itelä.
Yärminkä waqıtında 10 forum häm dialog cıyılışı ütkäreläçäk. Cıyılışlarnıñ töp teması Yefäk yulı iqtisadi töbägeneñ salınuı bulaçaq.
Yefäk yulı iqtisadi töbägen berençe märtäbä Qıtay däwlät başlığı Şi Cinping uzğan yılnıñ sentyabr ayında Urta Aziyä säfäre waqıtında kön tärtibenä kitergän ide.
Proyekt 40 Aziya häm Awrupa ile belän 3 milliardlıq xalıq sanın üz eçenä ala.
Yärminkä mäydanı tiräsendä sabotajlarğa qarşı kiñ iminlek çaralarınıñ kürelüe belderelä.
Qıtay-Awraziya Expo yärminkäse 2011nçe yılnıñ sentyabr ayında 19 yıllıq regional Qıtay Öremçe tışqı iqtisadi mönäsäbätlär häm säwdä yärminkäseneñ urınına oyıştırılğan ide.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı
