Uyğırlar keşeçä yäşärgä teli

Bötendönya uyğır kongressı ğomüm başlığı yärdämçese Säyit Tümtürk: “Uyğırlar üz cirlärendä yäşäw xoquqı, din häm wöcdan xörriyäte, säyäxät xoquqı, belem alu irege häm keşelärneň näselläreneň däwamı bulğan ürçü xoquqı tıyularınıň beterelüe belän keşeçä yäşärgä teli,” – dide.

Anadolu agentlığına açıqlaw yasağan Tümtürk ilbaşı Recep Tayyip Ärdoğannıň premyer-ministr bulğan waqıtta üzlärenä käyef häm motivatsiya çığanağı buluın belderde, monnan soň da Törkiyädän Uyğır üzidaräle töbäge belän bäyle tağın da açıq aňlatmalar häm qararlar kötülären äytte.

Qıtay xökümäteneň basım yasawçı häm keşe xoquqların bozuçı ğamälgä kertülären assızıqlağan Säyit Tümtürk uyğırlarnıň xozur eçendä häm bäysez yäşäwdän başqa bernärsä dä telämäwlären citkerde.

Tümtürk bar dönya iğtibarınıň Ğazzägä yünälgän waqıtta Uyğır üzidaräle töbägendä ber köndä kübräk keşeneň ülüen, fäqat dönyanıň monı kürmäwen belderde.

Berläşkän Millätlär Oyışması, Awrupa Berlege häm İslam Xezmättäşlek Oyışmasınıň bitaraf qaluın äytkän Tümtürk bu totışlarına ğacäplänülären äytte.