"Törkiyä häm Üzbäkstan köçle bulsa, Aziyädä totrıqlılıq bulır"

Törkiyä Tışqı eşlär ministrı Äxmät Dawıtoğlu Üzbäkstan başqalası Taşkentta.

Dawıtoğlu İlbaşı İslam Kärimov belän küreşep söyläşäçäk.

İke yaq ta säfärgä "yaña başlanğıç" bularaq qarıy.

Säfär mönäsäbätlärdä ozaq waqıt buyı xökem sörgän torğınlıq çorınnan soñ yasala.

13 yıl aradan soñ berençe tapqır Törkiyä tışqı eşlär ministrı Üzbäkstanda oçraşular ütkärä.

Dawıtoğlu iñ elek tışqı eşlär ministrı Abdulaziz Kamilov belän oçraştı.

Dawıtoğlu: "Wazıyfama kilgännän birle iñ küp sağış belän kötkän säfär. Törkiyä häm Üzbäkstan köçle bulğan çaqta Aziyädä totrıqlılıq bulır, bu dönyağa yullamadır”, - dip äytte.

Dawıtoğlu soñınnan İlbaşı İslam Kärimov belän dä küreşep söyläşaçäk.

Säfärneñ maqsatı – ike yaqlı ışanıçnıñ yañadan urnaştırıluı.

Yäşängän torğınlıq çorınıñ yalğış añlawlarğa bäyle buluına iğtibarnı yünältelep, yaña däwerdä iqtisadi elemtälärneñ dä üseşe maqsat itelä.

Törkiyä Tışqı eşlär ministrı Äxmät Dawıtoğlu comğa könne Üzbäkstannıñ tarixi Sämärqand häm Boxara şähärlärenä baraçaq.