Baqıda Ukraina krizisı tikşerelde
Awrupa İminlek häm Xezmättäşlek oyışmasınıñ 23nçe cäyge utırışı Azärbaycan başqalasında ütkärelde.
28nçe iyündä başlanğan häm töp kön tärtibe Ukraina krizisı häm tuñdırılğan bäreleşlär bulğan cıyılışta şaqtıy möhim qararlar qabul itelde.
Ukraina krizisınıñ xäl itelüe öçen Baqı törkeme oyıştırıldı.
Törle illärdän wäkillär qatnaşaçaq törkem krizisnıñ beterelüe häm tınıçlıq söyläşüläreneñ uzdırıluı öçen kiräkle eşçänlek başqaraçaq.
Cıyılışnıñ dürtençe könendä oyışmanıñ qayber wazıyfalarına saylaw ütkärelde.
Saylawda Awrupa İminlek häm Xezmättäşlek oyışmasınıñ parlamentariylär assambleyasınıñ törek törkeme başlığı häm assambleyanıñ başlıq urınbasarı Ämin Önän belän Parlamentariylär assambleyasınıñ keşe xoquqları, demokratiya häm humanitar mäs’älälär komitetı başlığı urınbasarı Şävki Kulkuloğlu başqarğan wazıyfalarına qabat saylandı.
Çärşämbe könne üz eşen tögälläyäçäk 23nçe cäyge utırışta Awrupa İminlek häm Xezmättäşlek oyışması parlamentariylär assambleyasınıñ yaña başlığı da saylandı.
Räis itep Finlyandiya wäkillege başlığı Ilkka Kanerva layıq dip tabıldı.
Cıyılışta Baqı deklaratsiyäse dä qabul itelde.
140 maddälek dokumentta Ukraina krizisına zur urın ayırılıp quyıldı.
Deklaratsiyädä Awrupa İminlek häm Xezmättäşlek oyışması illäreneñ Ukrainanıñ cir bötenlegen yaqlawına basım yasaldı.
Qayber illärdä yasalğan demokratiya häm keşe xoquqların bozu oçraqları mäs’äläsendä kisätülär dä yasalğan belderge küpçelek tawış belän qabul itelde.
Soñğı köndä Baqı deklaratsiyäsennän tış "Rusiyä Federatsiyäseneñ Xelsinki nigezlären açıq häm tupas räweştä bozuı” isemle qarar ölgese dä qabul itelde.
