Qırım premyer-ministr urınbasarı wazifasınnan kitte
Qırım parlamentı 72 tawış belän Röstäm Timerğaliyevneñ eştän kitüen qabul itte
Qırımnıñ Rusiya Federatsiyäsenä quşıluında aktiv rol uynağan Qırım premyer-ministr urınbasarı Röstäm Timerğaliyev wazifasınnan kitte.
Qırım parlamentı 72 tawış belän Timerğaliyevneñ eştän kitüen qabul itte.
Röstäm Timerğaliyev Qırımnıñ Rusiyägä quşıluınnan elek Ukraina çorında Qırım üzidaräle cömhüriyäte premyer-ministr urınbasarı wazifasına 2013 nçe yılnıñ 18 nçe sentyabrendä bilgelängän ide.
Qırım premyer-ministrı Sergey Aksyonov Timerğaliyevneñ wazifasınnan kitüen karyera plannarı belän bäyle buluın citkerde.
Aksyonov Timerğaliyevneñ xökümättän kitmäyäçägen, kiñäşçe bularaq wazifa başqaraçağın assızıqladı.
Rusiya Federatsiyäse däwlät başlığı Vladimir Putin Qırımnıñ Rusiyägä quşıluında aktiv rol uynağan öçen Timerğaliyevne “Qırımnı qaytaru” medale belän dä büläklägän ide.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
