Törek matbuğatına küzätü  22.05.2024

“Star” gazetı ilbaşı Ärdoğannıñ “Xalıqara cämäğat’çelekneñ cawaplılığı bilgele” digän süzlären alğı planğa çığara. Törkiyä ilbaşı Räcäp Tayyip Ärdoğan Rumıniyä xökümäte räise Marçel Çolaku belän ütkärgän matbuğat oçraşuında “İzrailneñ yawızlıqların tuqtatu häm fälästinle qardäşlärebezneñ qurqınıçsızlığın täêmin itüdä xalıqara cämäğat’çelekneñ cawaplılığı ap-açıq. Läkin moña qaramastan küpläp üterüne tuqtatu öçen çaralar kürelmi. Netan’yaxu häm xökümäte üz watandaşlarınıñ iminlegen qurqınıç astına quyıp genośid säyäsätlären däwam itterä. Monı tuqtatu zarur” dide.

”Sabah” gazetı “Dön’yağa ürnäk operaśiya” isemle xäbärendä yazğança, İran ilbaşı Räisi häm anı ozatuçı delegaśiya oçrağan boralaq hälakätendä qaza urının bilgelägän “Akıncı” pilotsız oçu apparatı dön’yanıñ iğ’tibarın cälep itte. “Baykar” şirkäteneñ idarä şurası başlığı häm texnologiya liderı Sälçuk Bayraktar  Törkyäneñ śivilizaśiya qıymmätläre häm texnologik alğarış yağınnan dön’yağa ürnäk buluın belderde.

“Hürriyet” gazetı “Törkiyä säyäxät indeksında ber’yulı 8 urınğa kütärelde” isemle xäbärendä citkergänçä, Bötendön’ya iqtisadi forumınıñ 2023 säyäsät häm turizm üseşe indeksında Törkiyä ber’yulı 8 basqıçqa kütärelep 119 il arasında 29 nçı urınğa urnaştı.

“Yeni Şafak” gazetı “İstanbul” aêroportı qabat berençe” dip xäbär itä. "İstanbul" aêroportı 6-12 may atnasında könenä urtaça 1430 reys belän Awrupanıñ iñ tığız êşläwçe hawa mäydanı buldı.

“Haber Türk” gazetı Törkiyäneñ berençe astronavtı Gäzäravcınıñ süzläre belän “Bez Ayğa barıp citärgä uylıybız” dip yaza. Astronavt Alpär Gäzäravcı “Berniçä ay êçendä ilebezneñ mömkinlekläre belän citeşterelgän raketa häm anı ğalämgä alıp baruçı êtärgeç sistema belän Ayğa barıp citärgä uylıybız” dip söyläde.