Törek matbuğatına küzätü 25.12.2023

“Haber Türk” gazetı ilbaşı Ärdoğannıñ qayğınamäse belän urtaqlaşa.

Törkiyä ilbaşı Räcäp Tayyip Ärdoğan Ğıyraqnıñ tön’yağında “Pänçä-Kilit” xäräkäte töbägendäge bäreleştä şähit bulğan törek ğaskäriläre öçen qayğınamä yulladı. Ul sośial’ mediada bolay dip yazdı: “Separatist qabaxätlärne tügelgän qan öçen kiçekmästän cawapqa tottıq häm totaçaqbız. Terrornı oyasında dömekterü strategiyäbezne tormışqa aşırunı axırğı terrorçı yuq itelgängä qadär alıp baraçaqbız”.

 “Hürriyet” gazetı milli küzläw oyışmasınıñ noqta operaśiyäse turında citkerä.

Törkiyä milli küzläw oyışması “PKK/YPG”neñ Ayn-Äl-Arabtağı “Bahoz Afrin” kod iseme belän êş itüçe atamanın Süriyädä täêsirsez xälgä kiterde.

“Sabah” gazetı ministr Gülärneñ Ğıyraq çigenä baruı turında xäbär itä.

Törkiyä milli saqlanu ministrı Yaşar Gülär kiçä Ğıyraq çik buyına bardı. Ul bireda belderü yasap “Pänçä-Kilit” töbägendäge höcümnärdän son täêsirsez xälgä kiterelgän terrorçı sanınıñ 30ğa citüen äytte.

“Star” gazetı 10 töbäktä uzğan ''Qaharmannar-35'' operaśiyäse turında yaza.

Törkiyä êçke êşlär ministrı Ali Yärlikaya separatist terrorçı oyışma äğ’zalarınıñ awıl cirleklärendä qışqı aylarda êşçänlek alıp baru öçen mäğarä häm sıyınu urınnarına yäşergän törle qoral, şartlatqıçların yuq itü maqsatınnan ütkärelgän “Qaharmannar-35” operaśiyäsendä 10 töbäktä 58 ob’yektnıñ yuq itelüen belderde.

“Vatan” gazetı İstanbul aêroportınıñ qabat berençelek aluın citkerä.

Awrupa hawa navigaśiyäse iminlege agentlığınıñ xisabına qarağanda, İstanbul aêroportı 4nçe dekabr’dän 10sına qadär köndälek urtaça 1296 oçış belän Awrupanıñ iñ tığız êşçänlek alıp barğan aêroportı buldı.