Törek matbuğatına küzätü 29.09.2023
Qayber törek basmalarına küzätü
“Xörriyät” gazetı yazğança, Törkiyä Böyık Millät Mäclese başlığı Numan Kurtulmuş kiçä İrlandiya başqalası Dublinda oyıştırılğan Awrupa Parlament başlıqları konferenŝiyasendä Törkiyäneñ Kiprda, Azärbaycannıñ isä Qarabaxta yawlawçı buluın däğwa itüçe Kipr Grek citäkçelegeneñ Wäkillär palatası başlığı Annita Demetriounıñ süzlärenä qırıs räweştä cawap qaytardı. Kurtulmuş: “Kiprdağı yawlawçı Törkiyä tügel, 1960ta qorılğan legal’ Kipr Cömhüriyäten betergän, Cömhüriyätne yawlap alğan grek tarafınıñ yawlawı,” – dide.
“Yäni Şafak” basması beldergänçä, Milli saqlanu ministrlığı 1 ğıynwardan bügengä qadär 1351 terrorçınıñ täêsirsez xälgä kiterelüen citkerde. Şulay tep 2015 yılnıñ 24 iyulennän bügengä qadär täêsirsez xälgä kiterelgän terrorçı sanı 38 694 buldı.
“Sabah” gazetı xäbärenä kürä, Törkiyädän Moldovağa könenä 2 million kub metr tabiğıy gaz êksportı öçen ike il arasında kileşü tözelde.
“Star” basması Rusiyädä Törkiyä ilbaşı Räcäp Tayyip Ärdoğannıñ tormışı belän bäyle dokumental’ fil’m tözergän jurnalist Mixail Gusmannıñ süzlären uquçıları belän urtaqlaşa: “Törkiyä ilbaşı Räcäp Tayyip Ärdoğan ul qadär köçle şäxes, köçle lider ki, Törkiyäneñ mänfäğat’lären häm Törkiyäneñ dön’ya säxnäsendäge rolen şul xätle üstergän ki, bar dön’yada böten möhim problemalarnıñ çişeleşe Törkiyäsez çınğa aşmıy.”
“Xäbär Türk” gazetı yazğança, Xalıqara yuğarı belemne bäyäläw oyışmasınıñ Dön’ya universitetları isemlege 2024tä berençe 400lekkä 3, berençe meñlekkä 11 törek universitetı kerä aldı. İsemlektä Törkiyädän barlığı 75 yuğarı uqu yortı urın aldı häm Törkiyä dön’yada iñ küp wäkillek itelüçe 7nçe il buldı.
