Törek matbuğatına küzätü 27.09.2023

“Xörriyät” gazetı Ärdoğannıñ Zängäzur koridorı turındağı belderüenä urın birä

Törkiyä ilbaşı Räcäp Tayyip Ärdoğan Azärbaycannıñ Naxçivan töbägenä säfärennän qaytışlıy oçqıçta yasağan belderüendä Zängäzur koridorınıñ Törkiyäneñ Azärbaycan belän turıdan-turı bäyläneşen täêmin itäçägen äytte. “Törkiyä häm Azärbaycan öçen bik ähämiyätle bu koridornıñ tormışqa aşırıluı strategik mäs’älä häm hiçşiksez tögällänergä tiyeş,”-dide ul.

“Watan” gazetı “Ärdoğan belän Äliyev sammitı dön’yada qızıqsınu uyattı” dip yaza.

İlbaşı Ärdoğannıñ Naxçivanğa säfären dön’ya matbuğatı yaqınnan küzätep bardı. Azärbaycan mediası Ärdoğannıñ illärenä kürsätkän yärdämenä basım yasadı, nemeś mäğ’lümat çaraları isä säfärneñ “simvolik ähämiyät”kä iyä buluın yazdı. Greśiyä matbuğatı Törkiyäneñ Kavkazda tağın da köçäyüenä iğ’tibarnı cälep itte.

“Sabah” gazetı törek iq’tisadınıñ êkologiyä öçen yasağan adımnarı turında citkerä.

Törkiyäneñ êkologiyä, şähärläşü häm klimat üzgärü ministrlığı mäğ’lümatlarına qarağanda, kiläçäk buınnarğa yäşi alırday dön’ya qaldıru maqsatınnan ilbaşı Räcäp Tayyip Ärdoğannıñ xatını Äminä Ärdoğan ximayäsendä 6 yıl êlek başlanğan “Qaldıqlarsız dön’ya” proyektı nigezendä bigengä qadär 45,5 million tonna qabat êşkärtelüçe çüp cıyılğan häm 96 milliard lira iq’tisadi kerem täêmin itelgän.

“Xäbär Türk” gazetı ministr Şimşäkneñ belderüen citkerä.

Törkiyä qazna häm finans ministrı Mäxmät Şimşäk Misırda uzuçı Aziya asqorma investiśiyä bankınıñ yıllıq utırışında qatnaştı. Ul çaradan soñ yasağan belderüendä Türkiyäneñ älege banktan 4 milliard dollar alıp, bu mömkinlektän iñ nıq faydalanğan ikençe däwlät buluın belderde.

“Star” gazetı “Kızılelma” oçqıçların sorawçılar küp buluı turında yaza

TEKNOFEST idarä şurası räise Sälçuk Bayraktar “Kızılelma” keşesez hawa oçqıçlarınıñ ähämiyäten belderep bolay dide: “Dön’yadağı sanawlı ürnäkneñ berse. Bez xäzerge waqıtta anı tağın da üsterergä tırışabız. İnşallah, 2024nçe yılda ilebez qullanırlıq xäldä bulaçaq”.