Төрeк мaтбугaтынa күзәтү - Törek matbuğatına küzätü 22.08.2023
22нчe августта бaсылып чыккaн кaйбeр төрeк гaзeтлaрынa күзәтү / 22nçe avgustta basılıp çıqqan qayber törek gazetlarına küzätü
“Sabah” gazetı: “Ärdoğannan BMO Tınıçlıq köçe provokaśiyäsenä kisken reakśiya”
İlbaşı Räcäp Tayyip Ärdoğan Berläşkän Millätlär Oyışması Tınıçlıq köçe xärbiläreneñ Tön’yaq Kipr Törek Cömhüriyätenä qarata fiziki qatışuınıñ Törkiyä cähätennän hiç qabul itelerlek wazğıyät bulmawın äytte. Ärdoğan: “BMO Tınıçlıq köçennän kötelgäne - totrıqlılıqnı bozuçı xäräkät räweşläre urınına isemeneñ cisemenä turı kiterep, utrawdağı böten taraflarnıñ humanitar ixtıyaclarınıñ xäl itelüenä öleş kertü”, - dip äytte.
“Xäbär Türk” gazetı: “Ärdoğannan Şveśiyağa (Швециягә) “Süzeñne ütä” çaqıruı”
İlbaşı Ärdoğan Şveśiyanıñ (Швециянең) NATOğa quşılu protokollarınıñ parlamenttan tiz räweştä uzuınıñ Şveśiyanıñ (Швециянең) birgän süzlärenä tuğrılıqlı qaluı belän bäyläneşle buluın belderde. Törkiyä Şveśiyanıñ (Швециянең) NATO äğ’zase bula aluı öçen üzen terrorçılıqtan yıraqlaştıruın taläp itä.
“Star” gazetı: “Könbatış öçen tigezleklärne üzgärtkän säfär”
İlbaşı Ärdoğannıñ Macarstan (Vengriya) däwläteneñ Tözelü köne qotlawları mönäsäbäte belän kitkän başqala Budapeştta kritik oçraşular ütkärüe dönya matbuğatında kiñ yañğıraş uyandırdı. “Associated (Аssошиэ́йтед) Press” xäbär agentlığı tantanada Ärdoğan belän bergä Azärbaycan İlbaşı İlham Äliyıv, Qatar Ämire Şäyıx Tämim bin Hamad Äl San, Serbiya Däwlät başlığı Aleksandr Vuçiç, Qırğızstan İlbaşı Sadır Caparov häm Törekmänstan Däwlät başlığı Särdar Bärdimöxämmädovnıñ da qatnaşuın iskärtep uza. Agentlıq bu täräqqıyätneñ Könbatış illäre öçen köç tigezlegen üzgärtä alaçağın belderde.
“Xörriyät” gazetı: “Törkiyädän Qor’än-ı Kärimgä höcümgä reakśiya”
Törkiyä Kopenhagen ilçelege häm Gaaga ilçelege belän qayber möselman ilçelekläre aldında Qor’änne yandıru ğamälläreneñ däwam itelüe arqasında Daniyanıñ Änkara ilçelege wäkile häm Niderlandnıñ Änkara ilçelege kiñäşçese Tışqı êşlär ministrlığına çaqırıldı. Çaqırılğan wäkillärgä, Qor’ängä qarşı yasalğan höcümnärneñ tınıçsız itüe citkerelep, bu ğamällärneñ iñ kisken räweştä gäyıplänelüe häm protest itelüe belderelde.
“Yäni Şafak” gazetı: “Törkiyägä investor qızıqsınuı” turında yaza
Törkiyäneñ iq’tisadi bilge küreneşenä qağılışlı xasil bulğan uñay atmosfera belän bergä çit ildän kapital salu xäräkätläre dä kilä başladı. Üzäge Amerika Quşma Ştatlarında urnaşqan “Ethos Asset Management” (“Ethos” aktivlar idaräse) Törkiyädäge şirkätlärgä 2024nçe yılğa qadär 250 million dollar, 2024nçe yıl axırına qadär dä 516 million dollar finans yärdäm täêmin itäçägen belderde.
