Törek matbuğatına küzätü 21.08.2023

“Watan” gazetı yazğança, Törkiyä ilbaşı Räcäp Tayyip Ärdoğan kiçä ber könlek säfär belän kitkän Vengriyadä (Macarstanda) bu ilneñ prem’yer-ministrı (Премьер-Министры) Viktor Orban belän ike yaqlı söyläşü ütkärde. Ärdoğan şulay uq Üzbäkstan däwlät başlığı Mirziyayıv häm Serbiya prezidentı Aleksandr Vuçiç belän dä küreşep söyläşte.

“Xörriyät” basması beldergänçä, Tön’yaq Kipr Törek Cömhüriyäte ilbaşı Ärsin Tatar Tön’yaq Kipr Törek Cömhüriyäteneñ möstäqıyl’ bulğan cirlärendä tözelüçe Pilä-Yiğitlär yulınıñ tözeleşe belän bäyle bularaq bolay dide: “Bu yulnıñ zur öleşe Tön’yaq Kipr Törek Cömhüriyäte çikläre êçendä urın ala. Gumanitar säbäplär arqasında möhim, xärbi maqsat yuq, üz möstäqıyl’legebezne saqlayaçaqbız. Bezneñ berkemneñ dä cirenä küzebez töşmäde.”

“Yäni şafak” gazetı xäbärenä kürä, Germaniya matbuğatı Törkiyä, Rusiyä häm Qatarnıñ ber aydan artıq tuqtatılğan Qara diñgez aşlıq koridorı kileşüenä al’ternativa äzerläwlären citkerä. Alman gazetı citkergänçä, aşlıq belän täêmin itüneñ iğanäçese Qatar, kileşüneñ koordinatorı Törkiyä bulaçaq. Bu öç il yaña kileşü äzerli.

“Star” basması yazğança, Törkiyäneñ İgençelek häm urman xucalığı ministrı İbrahim Yumaklı “Zängäzur” koridorı belän bäyle tübändägeçä citkerde: “İnşallah, bu koridor açılğaç törki dönyağa açıluçı qapqa bularaq säwdäbez häm mädäni bağlanışlarıbız tağın ber qat ber-bersenä qawışaçaq.”

“Sabah” gazetı beldergänçä, Törkiyäneñ A Milli xatın-qız voleybol taqımı 2023 CEV Xatın-qızlar arasında Awrupa voleybol çempionatındağı ikençe matçında Azärbaycan komandasın 3-0 isäbe belän ciñde.