Төрeк мaтбугaтынa күзәтү - Törek matbuğatına küzätü 14.08.2023

“Yäni Şafak” gazetı: “Ärdoğannıñ diplomatiya xäräkäte”

İlbaşı Räcäp Tayyip Ärdoğan çit il säfärlärenä başlıy. Ärdoğan avgust azağına taba Macarstanğa (Vengriyağa), sentyabr ayında isä Hindstan belän Amerika Quşma Ştatlarına baraçaq. Dön’ya öçen möhim qararlar qabul iteläçäk Berläşkän Millätlär Oyışması Ğomum şurasında (general’ assambleyasında) qatnaşaçaq Ärdoğan Amerika Quşma Ştatları säfäre waqıtında il liderları belän ayırım-ayırım küreşep söyläşäçäk.

“Xörriyät” gazetı: “Alman matbuğatı: “Törkiyä Ukraina suğışında töp rol’dä””

Germaniyanıñ “Deutsche Welle (DW - Дойче Велле) teleradiokompaniyası Törkiyäneñ Rusiyä-Ukraina suğışındağı ähämiyätenä iğ’tibarnı yünältte. Ukrainanıñ basıp alınuınnan soñ şunda uq Törkiyäneñ, Bosfor häm Dardanel buğazların böten xärbi köymälärgä yabıp, diñgezdäge köç tigezlegen saqlap qaluına basım yasalğan yazmada bu wazğıyätneñ Törkiyägä möhim geostrategik torış qazandıruı belderelde.

“Star” gazetı: “Sıyınuçılarnıñ cibärelüe öçen yaña formula”

Törkiyädä sıyınuçılarnıñ häm qanunsız migrantlarnıñ illärenä cibärelüe öçen kiñ qırlı êşçänlek alıp barıla. Bu qısada Süriyäneñ Xäleb töbägendä ictimağıy häm säwdä tormışınıñ canlandırıluı maqsat itep alına. Plan tormışqa aşırılğanda Törkiyädä yäşäwçe yöz meñnärçä Süriyäle illärenä qaytaçaq.

“Xäbär Türk” gazetı: “Törkiyägä kruiz köymäläre belän kilgän yulçı sanı arttı”

Cäyge çorda Törkiyägä kruiz köymäläre belän kilgän yulçı sanı uzğan yılnıñ şuşı uq çorına qarağanda 66,7%qa arttı. Yıl axırına taba yulçılar sanı rekordlı bulır, dip farazlana.

“Watan” gazetı: “Van külendä dulqınlandırğan açış”

Törkiyäneñ 800 meñ yıllıq uzğanlığı bulğan iñ zur küle Van küleneñ töbendäge xärabälär su astına çumular belän dönyağa tanıtılsa, bu xärabälärgä yañaları östälde.  Van küleneñ tiränleklärendä häm zirat häm dä awıl tormışı êzläre bulğan mäydan tabıldı. Tabılğan yaña serlär çişelüen kötä.