Төрeк мaтбугaтынa күзәтү - Törek matbuğatına küzätü 17.07.2023
17нчe июльдә бaсылып чыккaн кaйбeр төрeк гaзeтлaрынa күзәтү / 17nçe iyüldä basılıp çıqqan qayber törek gazetlarına küzätü
“Star” gazetı: "Türkiyäneñ uñışına iğ’tibar yünälttelär"
Ägäydäge flotnıñ barlığına iğ’tibarnı yünältüçe ber grek gazetı, Türkiyä saqlanu sänäğäte üskän sayın üzlären qamilläşterergä mäcbür buluların iskärtep uzıp: 'Türkiyä keşesez höcüm köymäläreneñ küpläp citeşterüe arqasında şartlarnı yañadan barlıqqa kiterä”, - dip bäyäläw yasadı.
“Sabah” gazetı: "Kosova “Bayraktar TB2”lären qabul itep aldı"
Kosova Baş ministrı Albin Kurti Türkiyädän satıp alğan “Bayraktar TB2” keşesez qorallı hawa apparatlarınıñ ilgä kilep citüen belderde. Kurti “Bayraktar TB2” keşesez qorallı hawa apparatlarınıñ fotosüräten sośial’ media akkauntınnan "Kosova monnan arı tağın da qurqınıçsız" süzläre belän urtaqlaştı.
“Xäbärtürk” gazetı: "Kruiz turizmında rekord"
Transport häm asqorma ministrı Abdulkadir Uraloğlu: "2023nçe yılnıñ ğıynwar-iyün’ (6 aylıq) çorında portlarıbızğa kerep çıqqan kruiz qorab sanı uzğan yılnıñ şuşı uq çorına qarağanda 32,5% artu belän 420, yulçı sanı da ütkän yılnıñ şuşı uq çorına qarağanda 88,8%qa kübäyıp 482 meñ 925 yulçı buldı”, - dip äytte.
“Yänişafak” gazetı: "Rusiyägä tulı êksport"
Türkiyä Rusiyägä iñ küp êksport başqarğan illär isemlegendä ikençe urınğa kütärelde. Amerika Quşma Ştatları häm Awrupa sankśiya kertkän Rusiyädä xasil bulğan bazar buşlığın forsatqa äyländergän Türkiyä ağımdağı yılnıñ berençe altı ayında Rusiyägä êksportın 88,6% artu belän 2 milliard 574 million dollardan 4 milliard 854 million dollarğa citkerde.
“Xörriyät” gazetı: "Matematika häm biologiya olimpiadalarında 10 medal’"
Törek uquçıları Yaponiyada oyıştırılğan xalıqara matematika olimpiadasında 1 altın häm 5 kömeş, Berläşkän Ğaräp Ämirleklärendä dä xalıqara biologiya olimpiadasında 3 kömeş häm 1 bronza medal’ yawladı.
