Törek matbuğatına küzätü 13.07.2023
13 nçe iyül’ könne basılıp çıqqan qayber törek gazetlarına küzätü
“Star” gazetı ilbaşı Ärdoğannıñ süzläre belän “Berlektäşlärneñ “PYD/YPG” belän mönäsäbäte ittifaqqa zıyan kiterä” dip yaza. NATO sammitınnan soñ matbuğat oçraşuı uzdırğan Türkiyä ilbaşı Räcäp Tayyip Ärdoğan “Qayber berlektäşlärebezneñ “PYD/YPG” belän bulğan bozıq mönäsäbätlär ittifaqnıñ berdämlegenä häm bötenlegenä zıyan kiterä. Monıñ mantıyqlı, mäğ’näle añlatması yuq” dip äytte.
“Haber Türk” gazetı Ärdoğannıñ “Parlament - Şveśiyäneñ NATOğa kerüen raslawçı organ” digän süzlären alğı planğa çığara. Türkiyä ilbaşı Räcäp Tayyip Ärdoğan NATO sammitınnan soñ yasağan belderüendä Şveśiyäneñ NATOğa kerüenä qağılışlı “Türkiyä Böyek Millät Mäslese - berençe däräcädäge raslaw organı. Bez bu prośessnıñ tizräk betüen telibez” dide.
“Hürriyet” gazetı “Baydennan Ärdoğanğa videolı räxmät” isemle yazmasında citkergänçä, Amerika Quşma Ştatları ilbaşı Djo Bayden üzeneñ sośial’ media akkauntında NATO liderlar sammitında Türkiyä ilbaşı Ärdoğan belän oçraşu räsemen urtaqlaşıp, “Qıyulığız, liderlığığız häm diplomatiyägez öçen räxmät” dip citkerde.
“Sabah” gazetı “BMOdan Türkiyägä aşlıq koridorı öçen räxmät süzläre” isemle xäbärendä yazğança, Berläşkän Millätlär Oyışması ğomum särqatibe Antoniu Guterreş Qara diñgez aşlıq koridorı kileşüe qısasında başqarğan êşläre öçen Türkiyägä räxmät äytte.
“Yeni Şafak” gazetı Numan Kurtulmuşnıñ “Türkiyä häm Azärbaycannıñ yuğaltırlıq waqıtı yuq” digän süzlären uquçları belän urtaqlaşa. Türkiyä Böyek Millät Mäclese başlığı Numan Kurtulmuş parlament delegaśiyäse belän Baqığa säfäre qısalarında Azärbaycan ilbaşı İlham Äliyev häm prem’yer-ministr Ali Asadov belän oçraştı. “Türkyä bularaq qalğan cirdän yulıbıznı däwam itäbez. Bezneñ häm Azärbaycannıñ yuğaltırğa waqıtıbız yuq” dide.
